秀茂坪上周五發生校巴相撞意外，27人受傷，包括25名幼稚園學童、1名司機，和1名保母受傷。受傷的學童坐於現場路旁接受檢查和治理。
Facebook流傳片段所見，學童車禍後驚魂未定，現場哭閙聲四起，一名4歲小女孩因受驚大哭，消防員見狀就安撫女童，溫柔地安慰作為大姐姐要勇敢，照顧年幼的同學仔。
消防員就問：「你幾多歲呀？4歲好叻喎！呢位小朋友3歲咋，你可唔可以幫我照顧佢先，可唔可以啊？你幫我照顧佢好無？你哋拖住手仔得唔得先？…拖實手仔，小朋友好勇敢，大家都好叻！」
消防員又小女孩問歲數，方便排好隊分批等候救援。消防員又鼓勵大姐姐照顧小妹妹，「呢位小朋友2歲半最細，你哋可以一齊照顧小妹妹嗎？」最後一眾女童都平復心情，手拖手坐在地面等候救護車到場。
網民就大讚消防員對住一眾小朋友相當有耐心，「真係嚇親啲小朋友,消防員好有愛」,「全場聽到後面好多把消防員嘅男人聲努力氹緊啲小朋友」,「真英雄唔要衝入火場…讃」,「當我對周遭環境感到絕望時，就係呢類新聞令我再次感到香港真好」
事發於下午約1時許，兩車接載幼稚園學生放學時，分別沿秀明道左二線往曉光街方向行駛，當駛至秀明道觀塘官立小學對開燈位時，前車因應交通燈號停下，但後車疑收掣不及，導致兩車相撞。前車的車尾被撞凹，而後車車頭亦被撞毀。
片段如下：
(網上圖片 / 綜合報道)
