藝人江若琳（Elanne）與老公「生煎包王」蕭潤邦（Oscar）婚後首次以夫妻檔出席活動，二人即埸合力整湯圓，又甜蜜互餵，盡情放閃。
提到即將新年，Oscar表示已準備好派利是：「已經買好晒利是封同唱定錢，所以都唔會出埠等大家嚟拜年。（咁勇？）派利是好有意義，係開心事，同埋啱啱度完蜜月好攰，我哋諗住喺西班牙睇鬥牛，點知就食物中毒變咗鬥嘔，所以暫時都唔再去旅行住。」
另外，Oscar又透露有意再發展甜品生意，佢話：「我哋隻貓叫『糯米糍』，所以都有諗過開間甜品舖叫『糯米糍之家』，再用貓貓個樣做招牌，不過2019年都係集中火力搞番生煎包先。」
講到婚後積極造人，Elanne坦言想趕生豬B：「因為我認識好多屬豬嘅朋友，佢哋都又乖又易教又孝順，而星座就好想係山羊座，因為山羊座係好男人，再唔係天秤座都唔錯。（咁講即係想生仔？）老公想要仔，如果係女嘅話實畀佢煩死，條裙短啲又唔得，着小背心又唔得。」
(on.cc)
