無綫劇集《愛．回家之開心速遞》收視高企，當中飾演大家姐「熊尚善」嘅滕麗名，雖然喺劇内對屋企人又寸又尖酸刻薄，但現實中嘅「熊家」其實感情好好。
網民勁鍾意睇「熊尚善」同仔仔「金城安」呢條綫
私底下兩個感情要好
熊家三姊妹一向廣受觀衆歡迎
今日二妹「熊若水」呂慧儀喺社交網上載條片，見佢化身驚喜大使…
見佢拎住個蛋糕入屋，一路唱住生日歌咁送畀滕麗名，點知大家冇乜默契，分別唱出「家姐、阿滕、熊尚善」，真係咩版本都有。
大家姐滕麗名嚇親！
「爸爸」劉丹都同「大女」慶祝生日，好溫馨！
而滕麗名即刻開心到放低手頭上嘅嘢，接住個蛋糕舉起V字手勢話：「Yeah！我有蛋糕呀！」
點知單立文同呂慧儀一聽到即刻玩食字，跳住高話「彈高」，相當盞鬼。
唔少網民都大讚呢個家庭真係好有愛，仲紛紛祝滕麗名生日快樂！
片段如下：
生日又點少得老公同自己慶祝生日呢？滕麗名於社交網上留言：「執子之手與子偕老，或許明天世界風雲有變， 依然記住你的好依然不枉。」仲多謝老公為佢提早慶祝生日~
上載一張手拖手嘅相，感情事一向低調嘅佢少有放閃，引嚟大批網民讚好！
真係超sweet!
老公朱建崑（Matthew）
（綜合報道 / facebook）
