【劉穎鏇就…】陳煒新戀情見光死!?

藝人陳煒(煒哥)和劉穎鏇(Tiffany)出席信德中心《金豬喜氣賀新歳》揭幕禮,Kawaii和關伊彤擔任司儀。

豬籠入水的陳煒,早前已透露想置業,她說:「朋友經紀都幫我留意緊,希望下半年先,儲多啲彈藥,唔係買棵菜嘛!要審慎啲,目標想買1,000呎單位,上次睇中個單位都想入票,鍾意地點靚夠實用。(師傅批你會試新嘢?)想試新角色,試癲啲、剃光頭都肯,明姐(林建明)光頭都咁靚,佢幾十年前已經剃光頭拍戲,幾勁,我希望有個爆點。(怕唔怕剃光頭後少咗追求者?)影響我嘅桃花呀!咁要考慮吓!(桃花緊要啲?)姻緣、事業兩樣都要,今年新年願望係所有願望成真,魚與熊掌兩樣得。」提到煒哥今年過肥年,她承認:「冇時間使錢,開工冇乜消費,都辦咗少少年貨,買咗補身湯水壓年。」

堪輿學家麥玲玲即場向煒哥和劉穎鏇教路,煒哥被批豬年會買樓及多機會試新嘢,但就冇多提桃花。

訪問期間,煒哥再追問麥師傅會否有姻緣,麥師傅再贈煒哥感情要低調,有重新開始的拍拖運,但姻緣要密冚,唔可以公開,因會見光死。而劉穎鏇則桃花旺,就可以大鑼大鼓張揚拍拖。

而劉穎鏇就對被師傅批追求者的背景和樣貌都好,她笑說:「想專注工作先,一開劇就冇時間,瞓覺都係得4、5個鐘,又要讀書,又要記廣東話劇本,有啲難挑戰。」

 

 

 

 

 

(on.cc)