【激罕!瘋狂吸Like】網民激讚佗B天王嫂方媛

    郭富城早前宣布即將再做爸爸,唔經唔覺老婆方媛已經佗B五個月…

    城城嘅《舞林密碼世界巡迴演唱會》2018/19第一階段的各站已經完滿結束,終於可以陪吓老婆!

    方媛琴日上載咗老公喺台上嘅英姿,老婆視角果然係唔同啲!

    早前方媛都有喺社交網Post過自己撐城城演唱會嘅片,琴晚佢再上載老公騷後攬到佢實一實嘅合照,相中天王嫂完全唔見肚,手腳仲好纖幼,網民大讚簡直係零孕味!

    而城城嘅笑容都好冧,恩愛到出晒面!方媛默默做老公背後嘅小女人,十足天王嘅小粉絲,而城城都立即Like咗方媛呢個Post,兩個隔空再晒愛,實行閃到網民眼盲爲止!

    睇返方媛嘅社交網,佢一向上載自己啲相,極少post出同老公郭富城嘅合照,今次罕有高調放閃,一班網民都大讚,個post短時間内瘋狂吸Likesssss!

     

     

     

     

     

     

     

    (ig / 綜合報道 / on.cc)

     

     

    SHARE