【小公主超乖!】陳豪陳茵媺帶兩歲囡囡出巡

陳茵媺(Amiee)同陳豪兩公婆時不時都會喺社交網上載與家人嘅生活點滴,一家五口不知幾咁Sweet!

之前Aimee仲話大仔Aiden向自己求婚,真係好冧呀~(相關新聞:https://goo.gl/LpDxPB

而近日流感肆虐,多間幼稚園亦因流感爆發宣布停課(相關新聞:https://goo.gl/zqVTiw),甚至有不少藝人都不幸中招,育有兩子一女嘅陳豪同陳茵媺當然要做足安全措施抗流感啦!

前日下午3時許,兩公婆帶住2歲大的細女Camilla現身中環皇后大道中街頭,雖然天氣不算寒冷,但見陳豪僅穿上短Tee及短褲,而囡囡則以間條背心上陣,衣着甚有夏天Feel,只有抱住囡囡的陳茵媺穿長袖衫及毛毛短靴。

他們在等過紅綠燈時,陳豪發現記者在場,即手指指告知身旁的老婆。

茵媺即教囡囡向鏡頭揮手,雖然Camilla看不見記者方向,但都聽話揮手,相當乖巧,其後他們步往附近大廈停車場取車離開。

約傍晚6時半,一家三口又現身西九龍一個商場的超市購物,原本僅穿上短Tee的陳豪,加穿羽絨背心保暖,見他在雪櫃前左騰右騰揀選壽司。

而茵媺則在附近行逛,陳豪挑選了幾盒三文魚壽司,即往排隊付款。

問到陳豪農曆年會否舉家出埠?他說:「唔會呀!留喺香港同小朋友拜年。(新年有冇送禮物畀三個小朋友?)冇,佢哋已經有好多禮物,唔想佢哋咁着重物質。」買完壽司,他便去會合老婆和囡囡。

(綜合報道/on.cc)