歌手吳若希（Jinny）不時都會喺社交網上放下閃，更會PO下囡囡嘅得意相，錫淼淼錫到燶！
一家三口超級Sweet！
搞笑得嚟又有啲溫馨！
Jinny與森美、麥美恩（Mayanne）因拍攝旅遊節目《森美旅行團》成為好友。
尋日三人難得一齊工作拍攝，Jinny老公Alex（何兆鴻）仲特意嚟探班！
點知Mayanne一見到Alex，即刻捨棄「森美大哥」，更當住Jinny面，翹住人哋老公隻手，仲嘟起個嘴送肉嘴影相，認真大膽！
雖然佢哋兩個曾經傳過不和，不過連老公都可以「Share」就知感情有幾好啦，Jinny仲完全唔介意笑得好開心添。
佢哋三個十足糖黐豆咁坐，搞到自己坐埋一邊嘅森美勁孤獨，Mayanne都留言笑森美係局外人呀！
(on.cc)
