【嚇死所有人呆晒】高海寧:一起身兩個膝頭哥都係血

藝人高海寧(高Ling)與黃心穎同是一月之星,昨晚高Ling都有份參與心穎的校服生日派對。

她謂:「我哋琴晚玩得好開心,都係即興諗起,仲帶咗好多道具,眼鏡、糖,我哋影咗好耐相,idea好多都係湯洛雯準備,我就買蛋糕,我哋唔係玩太夜,因為個個今日都要開工。」

而莊思明及男友楊明也齊齊出席,思明謂:「影相出嚟好靚呀!好好玩,我哋真係花好多時間影相,臨走前等過相都等咗四十五分鐘。」

她又表示大家當日一共影了七百多張相,看來玩得相當開心盡慶!

她又透露:「影影吓心穎整親,佢跪喺地下同個蛋糕影相時,一起身兩個膝頭哥都係血,嚇死我哋呆晒,佢自己都唔知乜事,我哋話佢生日見紅,不得了,今年一定紅到爆。」

 

原來壽星女心穎跪低切蛋糕時被玻璃碎割傷,即場見紅!

她說:「大家唱完生日歌,我切埋蛋糕,到我起身,佢哋見到我成個膝頭哥紅晒都係血,原來地下有啲玻璃碎!我當時Feel唔到好痛,但就有傷口不停流血,我講笑話願望係現場嘅人呢年都大紅大紫,估唔到即係『兌現』呀!見紅好意頭!」

 

祝心穎大紫大紅呀!

 

 

 

 

(facebook / ig / 綜合報道 / on.cc)