胡杏兒婚後誕下仔仔Brendan，一家三口幸福到爆！
但杏兒要兼顧事業同家庭，經常周圍飛，不是經常可以見到寶貝仔！老公李乘德 (Philip)真的很細心！
杏兒留言：「老公知我成日要飛，特登訂造比我嘅cushion，等我可以帶住BB周圍去。由BB出世一個禮拜到一歲，真係好掛住BB細個時個肥嘟嘟面豬登，多謝老公，Love U!! 」
杏兒昨日出席澳門新濠影滙舉行的全球首個以超級電動車為主題的大型室內特技滙演《狂電派》開幕首演禮。講到群星中以她超Deep V造型最性感…
對於成為全場最狂野性感，杏兒稱只是配合主題，但老公不知情！
見她有少許腹部微隆又身形圓潤，莫非有喜事宣佈？
杏兒笑笑口：「吓，係咩？我不嬲都幾澎湃，少show出嚟啫，貼合番今次主題想狂野啲。（咁性感得到老公批准？）佢唔知我着呢套衫，出門口時唔係呢套，不過，佢外國返嚟OK嘅。」
提到上圍澎拜，問到阿仔Brendan有沒有手多多？
杏兒笑言：「我斷咗人奶好耐啦，佢食緊奶粉，佢應該冇乜太大感覺，但真係冇試過喺阿仔面前着得咁性感，都唔敢試。」
問到年屆39歲，已有一子的她可會想追多個女？她恨出口說：「都有㗎，快㗎喇！始終年紀大，如果有嘅話畀大家聽啦！我都努力咗好耐，想生豬BB，我屬羊、老公屬牛，囝囝就屬雞，好似個農場咁。」
（綜合報道 / on.cc）
