【求婚!?】高海寧:其實嗰日都幾surprise

高海寧(高ling)與王浩信現身將軍澳為劇集《極道怪咖》進行拜神儀式。據知,高ling與王浩信在劇中會有床戲,高ling即解釋:「其實唔係床戲,嗰場戲講大家估佢係咪HEHE,我只係測試佢,有少少色誘佢嘅情節,但最後咩都冇發生過。」

今個月13日,高ling剛度過32歲生日,當日男友鄧智偉專為了替她慶祝生日,專誠在餐廳鋪了很多花,製造出一個花海,高ling亦有在ig貼出相片。提到這餐生日飯,高ling亦表示覺得好浪漫。她說:「其實嗰日都幾surprise,入咗間餐廳已經見鋪好晒啲花,好浪漫。」

問男友可有向她求婚,高ling反應頗大,即刻「吓?」一聲,然後說:「求婚?冇喎,冇咁隆重嘅事發生,身邊親戚都冇特別催婚,不過就追問我幾時有新劇。」

另外,有指王浩信希望復出樂壇再唱歌,他受訪時亦承認:「同公司傾緊,我希望今年內成事。」至於,農曆新年會否抽時間與家人去旅行,一直傳與老婆陳自瑤感情生變的他,只回應:「會多啲時間休息。」

(apple daily)