藝人林盛斌（Bob）出晒名係廿四孝老公同爸爸，時不時都會喺社交網大晒家庭樂。
一家六口溫馨又美滿！
Bob早前透露一家人被業主終止租約，搞到心情唔係幾好，但事後好快就搞掂，已經搞好搬屋啲嘢，仲終於搬咗新屋！
佢喺社交網透露請咗個搬運師傅幫手，快手兼可靠，最緊要唔使錢呀！呢位師傅推紙皮箱時力量十足，仲好快手咁推咗入房！
其實佢就係一歲多嘅囝囝Jaye（林道申）喇，做完嘢佢仲開心到拍手慶祝。
阿Bob都忍唔住話要獎勵吓囝囝呀：「呢位搬運師傅幾好手勢，好幫到手，轉頭要醒吓佢先……」網民都笑言想請呢位「童工」幫手，大讚佢真係好得意醒目呀！
(on.cc)
