【面尖尖完全冇水腫】張嘉兒曬六個月孕肚Fit到漏!

依家佗緊第二胎嘅前港姐張嘉兒,粗身大勢都繼續頻頻出動,日前孖住一班港姐為好姊妹高海寧慶祝生日。

近日佢就出發飛到去馬爾代夫度假。

呢日佢喺社交網晒出大肚水着相及片,並透露肚入面嘅BB已經6個月大。

相中見佢以單邊露膊嘅兩件頭泳衣上陣大晒肚皮,除咗腹部隆起之外,手腳依然纖幼,加上面尖尖,完全冇水腫嘅問題!

佢亦有留言表示好開心可以嚟到呢個小島,仲話馬爾代夫係人間天堂!

(on.cc)