【林峯帶「未婚妻」回鄉】堂妹林夏薇回應⋯

2017年底,林峯與吳千語感情亮起紅燈後,即傳出林峯父母安排林峯同張馨月相睇,翌年3月嘅時候傳出林峯同張馨月孖住喺香港主題公園玩,之後林峯開腔承認同吳千語分手,仲話分開咗一段時間!

林峯勁口密話唔講感情事,但實則佢係用行動確立張馨月女友地位!先有堂妹林夏薇爆料,話喺家庭聚會見過張馨月一兩次,而楊怡就爆話林峯帶埋張馨月同同期藝員訓練班同學飯敘。最近期就係林峯帶埋女友出席苗僑偉及戚美珍結婚29周年晚宴,見晒咁多親朋好友!

另外,曾經林峯又被「野生捕獲」,同張馨月返內地出席張馨月細佬婚宴,處處都有佢哋兩個身影!

呢日林峯更被爆帶埋「未婚妻」張馨月返鄉下祭祖,林峯戴晒綵球,成個新郎哥咁,十足十預演婚禮!(相關新聞:https://goo.gl/xi92Gt

林峯堂妹林夏薇接受東網訪問,問到佢知唔知呢件事,佢話:「有聽說有祭祖儀式,不過我飛咗,所以冇出席,唔清楚喎!」

(綜合報道/on.cc)