1994年參選港姐而入行的康華，曾演《陀槍師姐》系列、《醉打金枝》及《刀下留人》等劇集的康華，均演小三、風塵女子或奸妃，故有「御用情婦」、「小三專業戶」的稱號。
她坦言因角色深入民心，故先後斷送兩段感情，原因是被男方家人看不起，感到不受尊重而斬情絲。
最近更決心轉行做歌手，推出Rap歌《拼火花》，可謂多才多藝！
獲多位藝人朋友現身支持，包括無綫高層樂易玲、金牌監製梅小青、陳煒、姜皓文、陳慧珊、湯鎮業、阮兆祥、張文慈、謝雪心、梁靖琪、湯盈盈、譚小環夫婦等，高朋滿座！
康華最近除咗進軍樂壇推出新歌之外，同時亦忙緊拍攝無綫新劇《法證先鋒IV》。
呢日佢喺社交網大爆同劇演員陳煒終於搵到「金龜婿」啦，點知康華竟然睇唔過眼…
誓要喺戲內戲外都要爭餐飽，為咗呢個「金龜婿」更不惜大打出手。
原來佢所講嘅金龜婿只不過個裝飾品…
但由此睇得出佢兩位「黃金盛女」都好恨拍拖，康華留言：「煒哥（陳煒）Honey終於搵到金龜婿喇，等我戲裏戲外都同佢搶一餐先，原來呢個金龜婿係空心老倌來的，浪費感情！」
(綜合報道 / on.cc)
