早前被男方媽媽爆今次一索得男，預產期係5月，計落依家已經懷有6個月身孕，二人一直低調安胎，不過早已返台待產，近日就忽然行蹤被洩露，今次好似又係自己人爆料添！
琴日疑其姪仔嘅網友喺社交網上載短片，分別影住台北大稻埕慈聖宮，之後又去到似係辦年貨嘅大街…
點知就有眼利網友發現戴帽又戴口罩嘅吳奇隆低調行街街，而一身灰色打扮嘅太太劉詩詩就跟住人潮行，吳奇隆企佢身後護妻。
黑帽黑口罩係吳奇隆，前面情侶帽、灰外套嘅係劉詩詩
加埋「姪仔」之前啲貼文，唔少網民都估吳奇隆兩公婆係去媽祖廟拜神安胎，仲大讚詩詩融入家中，跟足吳家習俗做乖新抱。
(on.cc)
