【加油加油】大肚張嘉兒教孕婦們:做10分鐘就可以

懷有第二胎嘅靚媽張嘉兒近日到馬爾代夫享受人生…

今日佢喺網上晒出做瑜伽相,見着上兩件頭泳衣嘅佢對住大海做瑜伽,仲認真擺出唔同姿勢,果然寫意!

嘉兒話大肚婆要做適量嘅運動,不過要量力而為:「適當嘅時候更加要拉下(吓)筋,我嘅運動通常都係游水同埋做瑜伽。大家可以開着YouTube跟住一啲產前瑜伽來做。短短10分鐘就可以幫大家紓緩一下疲勞,亦都可以幫助生產順利啲㗎。 #大肚媽媽加油 #不過要量力而為唔好夾硬 #過咗懷孕第三四個月就唔會咁辛苦㗎啦 #孕婦瑜伽」

喺一個咁舒服嘅環境下做運動,真係特別醒神呀!

 

 

 

 

(ig / on.cc)