內地女星范冰冰自逃稅風波後一直低調，演藝事業受重大衝擊，其影視作品被指遭大陸全面封殺，連有份演出的電影《大轟炸》都冇得喺大陸上映，工作似係停滯不前。
上星期又傳出佢拖欠TFBOYS成員王源千萬片酬，不過二人均否認，去到今日，更有大陸報道稱冰冰卸任自己嘅影視文化公司法定代表人，更想全力將轉戰幕後，輔佐細佬范丞丞。
范冰冰和李晨公開戀情後於2015年合資成立愛美神企業管理諮詢有限公司，冰冰近日卸下法定代表人職位，公司大股東退出，由范媽媽張傳美入股。
今年1月15日，李晨更退出愛美神企業管理。唔搞公司嘅冰冰即被傳將轉戰幕後，全力助范丞丞上位。
內地媒體更指，冰冰工作室嘅工作人員，依家嘅工作都係圍繞范丞丞為主，連自己嘅資源都轉向投放喺弟弟丞丞身上。
失勢范冰冰靠著這策略會否又再捲土重來，紅遍全球呢？大家就拭目以待了！
(綜合報道 / on.cc)
