【原來已經有一段時間】容祖兒首度公開同劉浩龍關係

    容祖兒(Joey)和劉浩龍(師兄)於2012年公開戀情,當年相愛經歷不少風雨波折…

    又令祖兒和密友何韻詩反目,上年兩人才破冰,當時這張破冰合照於網絡山瘋傳~

    但好景不常,去年3月開始傳出祖兒和師兄分手的消息,但又說成是為師兄開演唱會做宣傳,但又被傳媒拍到兩人低調一齊過生日。

    容祖兒(Joey)等藝人昨日在中環出席品牌活動,她透露有少許作感冒:「之前太忙碌,個人拉得太行,覺得自己有啲過度活躍症,成日都夜瞓又早起,搞到好攰,所以睇緊中醫調理吓,食咗中藥個人都Calm Down咗,冇咁急,我同自己講今年最緊要身體健康,我尋晚睇完學友哥哥演唱會,好佩服佢唱咗200場,我睇咗3場,佢愈唱愈好,我有Message佢,想請教佢體能分配。」

    Joey跟Twins是閨密,三人經常相約旅遊,今年她們已計劃8月一同到希臘旅行,而阿嬌與阿Sa亦分別帶同另一半同行…

    問到Joey是否要找個伴?

    其實她跟師兄劉浩龍的關係可說撲朔迷離,今天Joey終於親自解開謎底…

    她回答說:「未搵到呀!」她直認已經同師兄分手,當被問到為何不找師兄當伴遊?她說:「吓!冇喎!冇咗好耐嘞喎!作為藝人,我嘅每一個說話同聲明對任何人都有影響,感情事係想低調處理,但問到我,我就誠實同大家講,我而家係單身。」

    難怪日前Joey看過林海峰的舞台劇後在網絡有感而發,指自己離結婚太遙遠,問她不着急嗎?她說:「冇得急,我enjoy自己一個人,婚姻、戀愛唔係人生一個must,人生必須多啲經歷,好似友情,都佔好重位置,感情隨緣啦。」

    至於新年,Joey會留在香港,她說:「本身今日會去東京,而家會聽日先出發,去到join媽咪兩日,年三十晚要做春晚。」記者祝Joey紅鸞星動,Joey笑說:「多謝你哋,希望啦!」

     

     

     

     

    (綜合報道 / on.cc / appledaily)

    SHARE