藝人袁偉豪與張寶兒拍拖兩年，感情穩定。
雖然之前二人都異口同聲話暫時未有結婚計劃，但袁偉豪最近就轉晒口風，坦言有結婚計劃，仲話會向女友探口風(相關新聞:https://goo.gl/A7DHfL)，睇嚟好事近啦！
而袁偉豪（Ben）昨晚為替女友出口氣喺社交網PO文，更公開咗一架黑色車輛嘅車牌。
佢留言話：「你駕駛態度非常惡劣，你超速，推人，豎起中指，四眼哥哥，我畀番個like你！」
有網民留言指袁偉豪好似成日都遇到呢類司機，Ben回覆：「我女朋友開車！女友畀人推呀，觀塘繞道行80，我們已經行85快線，不停喺我哋後面眨高燈又推完一輪，中線爬我哋頭，然後我按下車窗，指住佢問佢想點？四眼哥哥之後快放，快放一會，入將軍澳隧道之前，佢入秀茂坪就豎起中指，我覺得佢真係好討厭！」網民指香港好多人駕駛態度十分無品，Ben又回覆：「快少少唔緊要，推人就好危險。」
雖然公開對方車牌作網絡公審，但好多網民都留言撐袁偉豪，仲叫佢唔好咁勞氣：「佢擺明係蝦你女朋友係女司機」、「車廂內前後裝web cam，load個USB copy交警署交通部，會有人做嘢，超速，危險駕駛」、「有片就交畀警方做嘢，呢啲馬路炸彈，要畀教訓佢」、「好彩大家冇事」。
(Facebook/綜合報道)
