【自爆欠人金額!】今次連杜如風都要寫欠單

    「旅遊達人」杜如風出席《阿爺賀歲攻略》記者會,她穿上六吋高踭鞋,期間幾度失平衡,需要別人扶着。

    問她在節目上有否幫手下廚?她笑言:「食咗好多好嘢,都係鼎爺(李家鼎)煮,我煮嘅話廚房會爆炸。(你係地獄系?)冇人夠膽叫我煮。」

    講到新年,她表示每逢過年及聖誕都不會出埠以免捱貴機票,因為她隨時可以飛,不用請大假,問她新年會做甚麼?

    她說:「賭囉!我唔係賭神,我係魚腩,乜都玩啲,玩21點通常會贏,玩射龍門就輸得最甘,有次輸咗萬八,玩到冇現金,要手寫欠單,好在最後畀我執番千幾,我有個朵係地獄黑仔王,所以啲朋友好鍾意搵我賭,乜都叫我,我打麻雀又輸,不過冇所謂,因為我哋唔會分錢,志在打。」

    至於新年會否想有桃花,杜如風坦言年年都想,日日都想,建議她在花巿買桃花,她笑謂:「我要去花巿搵男人。(你未發巿?)冇發巿好耐,已經變蔘茸海味。」

     

     

     

     

     

     

     

    (on.cc)

     

    SHARE