【素顏舒淇PO合照】網民勁恭喜「馮太太要有寶寶啦」

    藝人舒淇與馮德倫於2016年結為夫婦,結婚以來一直都好低調。

    但唔代表佢哋唔Sweet喎!早前馮德倫忽然喺社交網上載同老婆舒淇嘅合照,雖然未有留言,但已經超多網民即時留言大嗌難得。二人喺相中Sweet爆頭貼頭,舒淇就用餐牌遮住半邊面,淨係露出對眼,而馮德倫就笑容十足,真係隔住個Mon都Feel到佢哋甜到漏呀!

    二人自結婚後就不停被網民催生B,不過就一直都未有好消息。

    而舒淇呢日喺社交網站上載咗一張與鍾鎮濤攞住對聯嘅合照,好有新年氣氛,寫上:「喜得墨寶 迎接新春!」但重點當然唔喺佢哋手上嘅對聯,而係喺舒淇嘅打扮身上!

    着咗件鬆身藍色衛衣嘅舒淇,孕味濃,感覺佢着上加大碼衫刻意遮肚,在加上着波鞋,冇化妝得嚟氣色好好,更令人聯想是否已懷有身孕!

    網民見到都問佢係咪真係懷孕?有啲仲恭喜佢話「馮太太要有寶寶啦」!

    (綜合報道/on.cc)

    SHARE