【《愛.回家》劇透】「龔燁」同「熊若水」嘅感情線會⋯

    無綫處境劇《愛.回家之開心速遞》播出至今差不多兩年,口碑及收視不俗。早前舉行慶功宴時高層曾勵珍透露劇集暫時已預計加到720集。

    劇情溫馨又搞笑,當中幾條感情線都備受關注。

    張景淳憑「龔燁」一角而人氣急升,近日佢為一個公司晚宴擔任MC,因為晚宴係以劇集《延禧攻略》為主題,所以佢都扮演「富察景淳」,並大讚好有新鮮感!

    他說:「除咗拍劇,真係唔會着古裝,加上我冇剃頭,所以成件事其實好有現代感。」而上月生日嘅佢,更獲得經理人送上蛋糕慶祝生日,令佢大為感動!

    講到依家有賺外快,之前話唔敢加兩蚊凍飲嘅佢,係咪可以闊佬少少?他說:「哈哈,如果Keep住每個月賺外快就得!」

    講到有唔少網友都好期待佢同「熊若水」呂慧儀一齊,佢向大家派定心丸:「咁龔燁連傑叔呢件事都放低咗,相信嚟緊都可以追阿水喇,又話唔定可以互追呢!(幾時一齊?)相信都應該係今年內發生嘅事。」

    (綜合報道/on.cc)
    SHARE