藝人陸浩明（6號）與模特兒女友陳詩欣（Ayan）兩人感情穩定，愈愛愈甜蜜，已經計劃先買樓再結婚。
至於事業方面，近年愈撈愈掂，真係愛情事業兩得意呀～
日前佢為保險公司的晚宴擔任司儀及表演嘉賓，6號稱活動已是他在外的收爐工作，但無綫的工作就要繼續，一直做到初二冇得停手，要等到初三先有時間同屋企人拜年。
同薛家燕齊齊搵真銀
佢話：「我同家燕姐做咗兩場，家燕跳十步好受歡迎，但高潮位係佢派財神造型嘅利是，啲人講話呢封利是好好運㗎，有啲就中六合彩，有啲就升職，我入無綫咁耐都冇𢭃過，所以我即問家燕姐𢭃番封，但我唔會用㗎，一直保存呢個好運！」
（綜合報道/on.cc）
