【小公主超可愛!】陳茵媺:因為其中一個小朋友太懶⋯

    藝人陳豪同太太陳茵媺(Aimee)都喺外國生活過一段長時間,二人嘅Lifestyle都好洋化,不過佢哋都好重視農曆新年呢個中國傳統節慶!

    Aimee就Post咗一張全家福,仲用英文祝大家萬事如意、身體健康同笑口常開!

    三個小朋友比起上年嘅新春全家福都明顯長大咗唔少!大仔Aiden高咗好多;細仔Nathan表情古靈精怪;細女Camilla笑得好燦爛,勁想咬佢個面珠仔呀!

    Aimee仲影低咗佢哋嘅新年布置,可能係做藝人嘅關係,同往年一樣都擺咗一棵大桃花催谷人緣,今年仲用咗小朋友做嘅勞作兩隻小金豬嚟點綴,當中有隻金豬仔冇五官特徵,Aimee話係因為佢其中一個小朋友太懶,至於係邊一個佢就冇開估喇。

    Aimee一出Post網民反應即刻好熱烈,除咗祝福之外仲勁讚佢哋係「最可愛家庭」,見到佢哋都已經覺得幸福感滿滿喇!

    (IG/on.cc)

    SHARE