【網民都話條片睇到停唔到】張繼聰囡囡錫錫哥哥甜到漏

藝人張繼聰同太太謝安琪一直都咁恩愛,二人育有大仔張瞻同囡囡張靖。

自從囡囡出世之後,「偏心」嘅前世情人就不停Upload囡囡嘅可愛動靜上社交網。

甚至有網民表示Follow張繼聰都係為咗睇張靖呀!

好彩哥哥一啲都冇呷醋,仲錫到個妹燶添呀!

今日張繼聰喺凌晨Upload咗阿仔啜爆妹妹嘅片同相,相中見到哥哥張瞻嘟長個嘴仔向妹妹索吻。

之後妹妹就好合作咁同哥哥獻吻。

最後兩個都喺度冧笑,Sweet到癲呀!

睇片都已經糖尿,睇Live嘅張繼聰都唔知點算!爸爸都話:「新年最快樂,係成日陪住佢地(哋)❤️」咁搞法阿聰點捨得返工呀!

好多網民都留言話條片睇到停唔到,仲大讚佢哋兩公婆識教,呢對小兄妹先咁有愛呀!

(綜合報道/on.cc)