【諗過儲錢畀翠如買姑婆屋】洪永城:等咗咁多年終於收到你嘅利是

    黃翠如和洪永城由有線年代開始,已是公認的最佳拍檔,二人相識十幾年,由當初青澀嘅旅遊主持,一齊拍劇,直到依家各有另一半,翠如更升呢做蕭太!

    雖然二人一向鬥嘴互窒,但佢哋好好感情!翠如曾經講過,好感激Tony一直陪佢成長:「好兄弟,不知道我們還會不會一起合作,也不知道我們將來的人生如何,但我感激你,吵吵鬧鬧互相嫌棄的日子也感激你。」佢仲好感嘆話唔知自己可以紅幾耐,不過就希望對方可以更加有名:「聽說女生在這行業時間很短,我被淘汰的一天或許是你更發光發亮的一天,加油。」見到佢哋可以咁Friend,真係不得不認同有一種友情叫黃翠如洪永城!

    昨日洪永城到翠如屋企拜年,翠如入廚煎糕給他吃,成為蕭太後,入得廚房,出得廳堂。

    洪永城凌晨在IG貼出合照,相中翠如拿着一碟糕、洪永城手執兩封利是,他留言:「識你咁耐,今次唔講衰嘢喇。等咗你咁多年終於收到你嘅利是,嗰陣仲以為一世都冇咁嘅機會,我仲曾經諗過儲錢畀你買姑婆屋,不過而家又識煎蘿蔔糕,咁難煎嘅嘢都畀你煎到,真係好難得、又識洗碗,又有一件燒腩肉照顧你,咁我就放心啦。恭喜你找到人生旅程入面一個好好嘅旅伴。」翠如鬼馬地回應:「儲錢畀我買姑婆屋呢part,可以keep住,我最多做你姑婆!」

    之後翠如於IG反擊:「喺你仲未娶到老婆之前,煎蘿蔔糕畀你食,我們家都歡迎你,不過娶到老婆之後,就唔好來打攪我哋啦!」

    不少fans催促洪永城向女朋友梁諾妍求婚,屆時叫洪太每日煮菜給他吃,不用打擾蕭正楠及翠如。

    另有網民稱「男女男(組合)喺翠如身上從來唔會有嬲嘅感覺,同阿廉係咁,同老友洪永城都係咁,翠如真係一個很好嘅人。」

    (綜合報道)

    SHARE