新娘子呢日就喺社交網首次晒出婚照，仲留言：「多感謝大家的祝福。對於一切一言難盡，其後分享。懷著（着）感恩的心，我和他在這裏祝大家新年快樂，心想事成，幸福美滿。」相中佢同老公手拖手宣誓，着上低胸白色婚紗嘅佢仲同老公喺夕陽下鼻掂鼻影相，就算隔住個Mon都覺得Warm爆呀！而講到最吸睛嘅，一定係手上嗰粒粒大大鑽戒，遠睇都勁搶Fo！
女子組合Robynn & Kendy（R&K）成員Robynn（葉晴晴）早前被踢爆已跟圈外男友Jonathan喺澳洲墨爾本秘密結婚，一班老友都有特登飛過去見證佢哋嘅重要一刻，但大家都一致未有對外公開一對新人嘅相，相當神秘低調！
Robynn回覆東網透露婚禮已經喺1月21日假澳洲Yarra valley酒莊舉行，當日出席的圈中好友包括Tim@Dear Jane、馮允謙、林奕匡夫婦、AGA、Kendy@Robynn & Kendy、符致逸、Yan Ting等。婚禮過程好溫馨，一對新人最開心為每位客人親手設計屬於佢哋嘅Lego，特別多謝喺Lego工作嘅朋友幫忙令呢個想法能成真，Robynn話：「好感恩，所有事情都好順利，大家特地飛過去，同我一起見證兩個家庭的結合，好開心，亦都好多謝大家的祝福。」
(on.cc)
