藝人胡杏兒早前喺社交網上載超聲波圖，開心宣佈懷有第二胎，同老公李乘德（Phil）成功三年抱兩！
有咁開心嘅喜訊，加上正值新年，佢哋兩公婆呢日就孖住番去男家祖村祭祖，順道同大家慶祝。
雖然杏兒而家大緊肚，但身為「好新抱」嘅佢照樣親力親為，仲孭起擔挑實行挑戰做「客家村姑」，佢仲上載相片至社交網並留言：「今天回到李家袓村拜祭祖先，盡一吓客家新抱的本分，也嘗試一吓做客家村姑！」
不過有唔少網民就替佗住B嘅杏兒緊張同擔憂，留言叫佢粗身大細要小心，唔好拎重嘢。
相關新聞：
【胡杏兒宣佈懷孕後首現身 大肚單文柔：恭喜杏兒】https://goo.gl/mXCJbX 【問到杏兒第二胎性別…李施嬅：佢好叻好犀利！】https://goo.gl/HTyXDq 【三年抱兩！胡杏兒宣佈再度佗B：豬寶寶终於加入】https://goo.gl/VDPhsm 【盛傳懷有第二胎】胡杏兒深夜發文 https://goo.gl/d2yJN1 【圓潤咗好多】胡杏兒凸肚現身：我都努力咗好耐 https://goo.gl/uhWxb2
(綜合報道 / on.cc)
