【新男友就係…】唐詩詠豬年報喜 疑低調宣佈戀情!?

現年37歲嘅唐詩詠有「絕世好女友」之稱,但仲係單身搞到唔少網民都戥佢擔心,不過踏入新一年,可能有喜事公布噃!

廣告

廣告

唐詩詠年初二就突擊去蕭正楠同黃翠如屋企拜年逗利是。


事關年初一(5日)去咗行山嘅佢,喺社交網上載咗幾張靚相,一身露腰行山Look笑晒口咁春風滿面…

留言:「大年初一行個大運 享受陽光 享受寧靜」

而另一邊廂,上年與詩詠傳出緋聞嘅「教育界王力宏」陳思銘(Samuel)亦喺同日同一地點打卡影相,tag住「小欖水塘」

雖然兩人都係晒獨照,不過男方相片中右下角就見到有人舉機拍照嘅影子,亦見唔到其他人,咁低調避忌…(留意右下角)

豬年第一日唔係同家人過,反而畀咗呢位男士,唔通真係拍拖?

2017年5月宣布與洪永城分手嘅詩詠,不時傳出有新戀情,上年尾就傳撻着年約30歲嘅Samuel…

雖然詩詠後來就話只係飯敍,但男方就曾大讚對方“she is great.”

如今舊愛洪永城戀上女模梁諾妍(Inez)網民希望詩詠早日搵到Mr.right呀!

 

 

 

 

(綜合報道 / ig)