【果然係細佬妹嘅好榜樣】陳茵媺5歲大仔又乖又生性

一個家最重要係齊齊整整,小朋友孝順父母,爸爸媽媽就最安慰喇!

就好似育有三個仔女嘅藝人陳茵媺(Aimee)咁,佢為照顧小朋友半退出幕前,平時就為仔女勞心勞力,如果喺生活中再加上一啲溫馨糖分,真係咩辛苦都唔記得晒~

今次佢就喺社交網發文,佢5歲大仔為咗氹媽咪開心,一早就起身落手落腳整咗個愛心西多,Aimee冧到暈一暈!

激讚甜到媲美食咗米芝蓮咁嘅質素,睇得又食得,最重要係醫飽個肚得嚟,佢個內心都溫暖晒,真係多多錢都買唔到,果然係細佬妹嘅好榜樣!

佢仲幫阿仔影咗張靚相,見仔仔立起晒頭髮,愈大愈似老竇陳豪(阿Mo)咁有型!

對住鏡頭Chok電眼微笑,成個「翻版陳豪」咁款,唔怪得Aimee講到明今次要獨食,唔會請老公阿Mo試仔仔嘅手勢啦~

 

 

 

 

 

(ig / on.cc)