【王祖藍會彌補 坦言好唔捨得個女】李亞男:係兩個BB

藝人王祖藍、李亞男及梁嘉琪等,到油麻地為賀歲片《你咪理,我愛你!》宣傳,向途人大派疏乎厘預祝情人節。

廣告

廣告

連日來忙於謝票的祖藍,百忙中亦有帶囡囡去拜年𢭃利是…

「今朝帶咗佢去見我嫲嫲,過年四代同堂最開心,不過我去謝票都好多觀眾畀利是囡囡,利是收入差唔多等於嗰場戲嘅票房,我又啱啱喺新加坡登台返嚟,嗰邊粉絲畀坡紙利是添!」

問到會否為囡囡儲起利是錢開戶口,祖藍謂:「未諗喎,不過擺晒喺佢床邊,壓歲錢嘛。」
祖藍坦言原本電影公司要求他們忙完情人節檔期才出發旅行,但被祖藍拒絕;

「二人世界緊要啲,不過已經有演員喺日本,相信喺嗰邊見到面,到時再搞吓宣傳囉。(互送情人節禮物?)未搞,不過我哋冇乜物質要求,最緊要喺相伴!」

談到票房成績,祖藍表示今年賀歲檔競爭大,能夠有此成績已算滿意。

而完成今日宣傳後,他則實踐承諾,帶太太到日本拍拖狂食刺身,以「彌補」懷孕期間戒口。

亞男表示會不捨得囡囡Gabrielle。談到會否要求「任買」掃貨,亞男謂:「以前買家具,依家轉買BB嘢,係兩個BB呀(指包括祖藍)。」祖藍接口:「日本係我啲矮人入貨,佢要去歐洲先得!」

 

 

 

 

(綜合報道 / on.cc)