【個個都咁講】袁偉豪:多謝晒

藝人袁偉豪(Ben)、張寶兒、黃致豪(前名黃長興)與胞弟黃長發、謝東閔、黃嘉樂、甄詠珊、鄧穎芝、譚嘉儀、陳婉衡、鄭世豪、楊潮凱、可嵐、關伊彤、安俊豪、林子博及潘盈慧等到珠海參與Kart車慈善賽,先是分男女子組比賽,再進行混合賽。

Ben表示近兩年開始玩賽車,對駕駛技術有信心,亦封女友張寶兒做車手,不過張寶兒表示混合賽應該會輸給男仔。問Ben有否教路?他說:「有研究,畀啲資料佢,安全最緊要,要識得保護自己,佢以前揸到好似孖寶賽車(電玩)咁,啲人記得佢係因為畀佢撞過咋!」

早前張寶兒揸車與另一名司機發生拗撬,Ben護花,他笑言平日也有鬧女友:「揸車快得嚟唔好累到人。」張寶兒取笑他好似教車師傅咁嚴厲,Ben說:「我會分享下路面經驗,都係想自己坐得安心啲,之後我靠佢喇!」

新年期間兩人有向對方家長拜年,初一到了男方屋企,初二與女方家人在餐廳睇煙花,問可有被催婚?Ben說:「個個都咁講,又畀蓮子我哋,我就話多謝晒……承你貴言咁。(但都係跟自己步伐?)都係呀!」

「不過琴日同黃翠如見面,佢介紹好多海外婚姻註冊方法畀我,有啲香港認可有啲唔認可。(想喺海外註冊?)想㗎!」張寶兒則未有表態,先忙好眼前的事情。

問埋好友黃翠如,唔通又想好似蕭生蕭太一樣,搞癲曬先公開宣佈?

 

 

 

 

 

 

(綜合報道 / on.cc)