【我覺得好有偷情嘅感覺】關智斌冧爆「秘密女友」

仲有幾日就到2月14日情人節,喺呢個咁浪漫嘅日子,相信唔少男士都煩緊情人節大餐食咩好,出去食又貴,自己煮又驚搞唔掂…

廣告

廣告

廣告

不過唔使咁閉翳,事關呢日「Chef Kenny」關智斌就特登拍片,教大家點樣親自下廚,炮製Sweet到爆嘅燭光晚餐。

話明情人節,又點少得一位情人呢?Kenny今次玩神秘,決定單拖去買餸,畀個驚喜呢位「秘密情人」。一去到街市,Kenny即刻衝去買花,慳家嘅佢本來只係諗住買三枝花,點知就畀賣花嘅姐姐暗寸佢小家,仲話:「六六無窮,買六枝啦!」Kenny見講價唔成,只好就範。不過好在「錯有錯着」,Kenny將買多咗嘅花送畀賣花個姐姐,氹到個個勁開心,最後成功攞到折頭!

搞咗咁耐,「神秘情人」終於現身喇!

廣告

原來係Kenny嘅好友鄭希怡(Yumiko)。Kenny一嚟就唱住「Only you」迎接Yumiko,令身為人妻嘅Yumiko都忍唔住笑話:「我覺得好有偷情嘅感覺,我結婚就係為咗有得偷情咋!」之後佢仲話好耐冇收過花,乘機畀說話老公聽。

Kenny早前提過Yumiko讚其寓所的Gym house靚,佢話所以為佢申請住客證,方便佢自出自入,連保安都誤會Yumiko係其女友。兩個真係老友鬼鬼!

去到下廚環節,Yumiko「老婆」上身咁呼喝Kenny做嘢,之後仲唔小心將成部相機跌咗落煎pan入面,睇見都牙煙…唔少網民都話兩個地獄廚神聚埋一齊,威力果然非同小可!

網民有話兒:
Wixxxgg L:我仲以為情人係軒軒添
Toxxy413:仲以為今次會冇蝦碌嘢,點知有生炒cam XDDDDD
cc6xxxx002:我都想同kenny約會啊~
Kaxxia_Kxkx:幾時先有Sa姐Gill姐(Kenny將會被點得更甘haha)

(綜合報道/on.cc)