【恭喜恭喜】38歲李施嬅爆雙喜臨門

    今日38歲生日嘅李施嬅琴日獲好姊妹包括胡定欣、胡蓓蔚、姚子羚、黃智雯、趙希洛及「電燈膽」單立文為佢慶祝!

    壽星女今年仲雙喜臨門添!收花又收蛋糕嘅李施嬅喺社交網上載合照,留言:「今年好特別,因有你們同我分享我的喜悅,為我打氣。也有我戲裡(裏)面的角色Michelle到場! love you guys to the moon and back」

    因為佢早前憑加拿大劇集《Blood And Water》(《血與水》)獲得「2019年加拿大銀幕獎」(2019 Canadian Screen Awards)女配角提名,個個都預祝佢可以再次揚威國際呀!

    原來佢哋為施嬅準備咗個女殺手Michelle公仔牌,真係好有心思!

    趙希洛仲整咗啲Cupcake到賀,但點知發生悲劇爛晒,不過最後佢哋都有照食嘅!

    唔緊要,照食!

    除咗唱生日歌外,佢哋離場時喺商場度仲High爆尖叫,嘈到拆天,搞到施嬅都笑言:「好低能呀!」

    姚子羚超開心!

    網民都祝佢生日快樂,希望佢可以再下一城呀!

     

     

     

     

     

    (綜合報道 / ig / on.cc)

    SHARE