【超驚喜!】古巨基:真係好事成雙

歌手古巨基的新歌《亂世情侶》在網上平台早已有過百萬點擊。

他與MV女主角胡定欣看到粉絲們留言提議整首合唱版,即決定在今日情人節送給大家驚喜,祝願世上所有情人都可以開花結果。

兩人為宣傳新歌,應無綫節目《東將西望》合作整情人節甜品「梳乎厘 Pancake」,沒想到買來用的半打雞蛋,隻隻蛋打出來也是雙黃,令兩人驚訝大叫。

基仔開心說:「真係好事成雙係咁出現,好正呀。」兩人雞手鴨腳邊訪問邊整Pancake,當中笑料百出,最後基仔試食Pancake時就大讚: 「嘩,定欣手勢真係與眾不同,好好味喎~不過有啲唔似pancake,似中式甜味蠔仔餅感覺,最好夾個白飯一齊食!」

今次兩人順應民意合唱,定欣說:「真係好短時間內決定喎,年二十九同基仔食飯,佢提起呢個合作,我又鍾意唱歌,咁咪試吓囉。」基仔大讚定欣非常唱得:「佢真係唱得好好!錄音嗰日好快好順利就已經錄起隻歌,佢唔單止唱得好,勁到連和音佢都親自唱埋!」

定欣說:「可能我之前拍咗個MV,聽到熟晒首歌,之後我又不停翻睇個MV,所以入到錄音室係幾乎唔使睇歌詞,已經唱到。好快代入咗首歌角色裏面,唱嗰陣感情好易就投放晒落去。喺錄音室翻聽錄音,唱到『當你仍然信我,愛情沒有輓歌,未相信情懷輸給世道,仍在亂世中開花結果…』嗰段,真係感動到起晒雞皮,毛管直豎。你問我畀自己幾多分,我真係唔知,盡咗力去做,希望大家鍾意啦。」

問到基仔四月紅館演唱會是否會邀請定欣做嘉賓?他笑說:「到時再話畀大家知啦,或者我叫定欣嚟整梳乎厘pancake,煎蛋畀大家食都未定,哈哈。」而基仔加開最後一場門票將於本月20號公開發售。

(on.cc)