【遮都遮唔住】捕獲大肚陳凱琳孖龔嘉欣…

27歲的陳凱琳(Grace)於去年8月與拍拖3年的鄭嘉穎在印尼峇里島舉行婚禮,之後宣佈懷有身孕,早前更透露今胎陀仔,認真可喜可賀。

廣告
昨日仲大曬大肚寫真片段,真係超索!(相關新聞:https://goo.gl/eX16ga

對於預產期,Grace一直保持神秘,日前她相約好姊妹龔嘉欣和飲食作家Bonnie Chu到銅鑼灣禮頓中心afternoon tea。當日下午大約三點,記者發現穿上黑裙襯黑Boot的Grace個肚已經籮咁大,好似隨時生得,見她刻意用牛仔褸遮肚,而且戴上口罩。

廣告

入到餐廳後,Grace和龔嘉欣先坐低,Bonnie和囝囝及外傭姐姐之後抵達,Grace原本想起身移位,龔嘉欣即叫停Grace﹕「唔好郁!」擔心大肚婆起身坐低太辛苦,寧願自己讓位。

三個女人有講不完的話題,其間見Bonnie起身,隔住張枱伸手摸摸Grace的巨肚,相信亦有傳授不少育兒心得給對方。

大約半小時後,Grace先行離開,由於不想行樓梯,Grace寧願行去較遠位置搭lift,她說:「係呀,飲吓嘢之嘛。」見她拎住兩大袋物品,問是否買了很多東西?她說:「係呀。」之後轉場到另一商廈,禮貌向記者揮手說再見。

Grace接受傳媒訪問,問到預產期幾時?她以英文回覆:「我哋想保持私隱。」問到陀B期間有沒有不適?她說:「有時啦,但現在好好多。」老公鄭嘉穎有否貼身照顧?她冧爆說:「佢有呀!佢每日都好照顧我。」

(綜合報道/apple daily)