【罕有放閃】陳茵媺:Baby Baby

陳豪和老婆陳茵媺(Aimee)生了兩子一女,一家五口認真熱鬧!

有仔女萬事足外,陳豪亦非常錫老婆,是演藝圈出名的愛妻號,不時都會製造浪漫二人世界,難怪他向傳媒講老婆是他心目中的「Queen」。

今個情人節,原來陳豪與Aimee去旅行過二人世界,兩公婆到了西班牙馬略卡度假,Aimee就在IG貼相放閃,貼了多張與陳豪嘅旅行相,二人攬實坐馬車,Aimee仲挨落老公膊頭,真係sweet到爆!

在當地買了字母磁磚砌了「CHAN」字樣的裝飾,她提到二人的年度旅行在情人節發生,浪漫難忘,笑老公是她的性感西班牙男友。

其中一張相,見枱上放咗兩杯白酒,以及一大盆玫瑰花,似乎係阿Mo為老婆預備嘅禮物。

提到今年的情人節禮物,她就用了二人的舊相做了一本「Our Love Story」的相簿,更稱呼陳豪是「Baby Baby」,放了二人多年內的拍拖相。

她表示要捱夜上網、在手機搵舊相。由於相嘅數量太多,所以前前後後花咗一個星期去製作,佢仲特登揀番第一張同阿Mo嘅合照嚟做封面,相當有心思。

當時大家互不相識,還未合作拍劇,她以英文留言感恩搵到一個「心跳一樣」的伴侶:「 I am so lucky to have a boyfriend, husband, confidant, and a best friend in you. My heart belongs to you and yours only… now and forever.(我相當幸運,有你做我的男友、丈夫及最好的朋友,我的心屬於你。)」真係冧到暈呀!

(綜合報道)