藝人余文樂同老婆王棠云（Sarah）去年5月升呢做爸媽，囝囝余初見（Cody）出世後，樂仔不時都會喺網上貼出抱住囝囝嘅相。
不過全部唔係遮樣，就淨係影手仔腳仔，令大家都好奇Cody嘅盧山真面目！
呢日樂仔就同好友彭于晏嘅媽媽及家姐彭于藍（Lan）相聚。
而Lan就喺社交網上載咗三張樂仔抱住BB淋花嘅相，即令網友紛紛猜測相中BB係咪Cody！
睇番啲相，B仔拍埋去樂仔度真係有幾分相似，加上B仔着住嘅波鞋，同日前樂仔晒出Cody嘅近照入面，所着住嘅波鞋係同一款。
令網民指相中BB就係Cody，仲話：「是不是忘了遮住樣子了？」
但亦有網友表示可能只係友人嘅小朋友。
(on.cc)
