索媽張栢芝一直都堅持親自湊小朋友，除咗工作以外，幾乎日日都見到佢同仔仔們形影不離，見證住仔仔每個成長階段，做足廿四孝媽媽！
前日情人節，兩個仔仔送花畀栢芝，真係冧爆啦！
今次佢就Join咗二仔謝振南（Quintus）嘅學校運動會，仲跟足全程，出錢又出力！
栢芝同Quintus去到運動場，片中見着住綠色衫嘅Quintus參加咗拔河、跳遠同障礙賽，非常投入比賽，最後佢屬於嘅綠隊仲拎埋全場第二名，超叻仔啊！
而栢芝就全程拍片，除咗影低阿仔努力參賽嘅片段，佢就喺鏡頭外不斷鼓勵仔仔，叫佢唔好放棄。
中間又喺賽道外陪阿仔跑，完咗比賽佢仲出錢買咗一大堆零食畀Quintus同啲同學仔分享，食完嘢啲垃圾栢芝又親自幫手拎去掉，以身作則，確係一個好媽媽！
而比賽時，佢就自爆自己着唔夠衫，加上現場勁大風，佢都被吹到頭髮凌亂、打晒冷震，但佢都依然堅持要為Quintus拍片做紀錄，網友都大讚佢為母則強，少少風吹算得係咩！
(綜合報道/on.cc)
