藝人薛家燕今日以一身「龍袍」出席新春活動，並在台上獻唱賀年歌。
家燕姐笑說農曆年期間被當成財神，不斷獲邀到香港各地旺一旺個場。她表示農曆新年只得幾日放假，並冧爆透露趁假期去到外地拍拖…
「我冇滑雪，不過去睇雪。（浪唔浪漫？）OK啦！情人節人哋拖吓手，我又拖吓手！我都覺得好得意呀！因為多數拖手都係好後生。」
問到新一年大計，她笑言一日三餐都在電視見到自己：「今日《流行經典50年》第一日開工呀，依家個節目又添食去到六月。遲啲又會同公司拍一個綜藝節目！咁無綫依家成日都睇我，朝早翻播《真情》，夜晚又《皆大歡喜》」
（on.cc）
