藝人鄭嘉穎同陳凱琳嘅寶貝仔已經出世。升級媽媽的Grace以英文留言，仲爆囝囝個名叫Rafael。
佢以英文留言：「好榮幸寶貝Rafael嚟到呢個世界，我哋已經期待以久，多謝醫院醫護人員嘅照顧，令我哋可以咁舒服，同埋感謝佢哋尊重我哋嘅私隱。至於各界嘅親友，你哋嘅祝福我哋收到晒，最後大家請放心，媽媽好健康，爸爸亦好照顧我哋，真係令我哋覺得好幸福，Rafael我哋真係好愛你。」
鄭嘉穎熱愛網球，幫囝囝改個英文名叫Rafael，應該係同有「泥地王」之稱嘅網球運動員拿度（Rafael Nadal）有關，睇嚟兩公婆想培訓囝囝做網球王子！
鄭生鄭太喺IG晒相，見佢抱住囝囝，B仔得個側面睇，見唔到正面，佢留言：「個個父母都話自己個BB係最得意⋯我終於明啦！😍」網民大讚相當英俊！
(ig / 綜合報道)
