【Baby Shower被踢爆著舊衫超慳家】三年抱兩:節儉是一種美德

去年十月宣佈再懷孕,雖然佢冇公開預產期,但數數手指,B仔都就快出世喇!日前好姊妹朱韻韻就夾埋佢老公,為情人節生日嘅佢準備咗個驚喜生日Party加Baby Shower!

廣告

即將再度成爲媽媽嘅佢今日喺社交網分享當日嘅相…

並留言:「感恩身邊有你們💕並沒有計劃怎樣慶祝今年的生日,亦沒有計劃Baby Shower,也只打算靜靜的倆口子吃個飯,想不到你們暪着我為我準備了Surprise Party 🎉」

廣告

好友陪伴開生日會兼Baby Shower~

育有一子Luken的藝人楊愛瑾(Miki)即將多添一名家庭成員

仲話印象中今次係佢第一個驚喜Party,透露當日湊Luken湊到好攰,仲諗住食完飯早啲返屋企休息…

「怎料一進餐廳就見到大家,其實那一刻我還反應不來,根本沒有想到大家都坐在我眼前,真的把我嚇到!我這個人,也許你見到我看似很冷靜,其實心裏是非常的興奮,只是我不太懂得表達自己對大家的愛。」

網民都大讚Miki一班朋友好有愛,仲話好期待BB出世!而最搞笑係Miki其中一個好姊妹留言踢爆佢當日着咗兩年前Baby Shower嘅衫,Miki就幽默回覆:「哎喲!節儉是一種美德!」果然夠晒賢淑!

 

 

 

 

 

 

(綜合報道 / facebook / on.cc)