藝人鄭嘉穎曾經自認「黑面王」，不過自從同陳凱琳拍拖之後一改作風，經常都笑容滿面，早前佢仲升呢做埋爸爸更加開心成個人唔同晒！
原本以為佢會好保護BB唔畀佢上鏡，早幾日佢就上載出自己手抱BB嘅相畀大家見，個個都話BB鼻仔好高，好似足媽媽Grace一樣呀！
Grace係鼻子高高美人，Rafael就似足媽媽喇~
爸爸鄭嘉穎琴晚又上載出B仔相，「小手拖大手」，仲留言大讚囝囝話：「佢握手好有力。」
唔少網民都話成個畫面好溫馨，仲讚出世冇耐嘅BB手仔就咁有力，大個咗襯番個名Rafael（網球「泥地王」拿度（Rafael Nadal）名字）去做網球手都冇問題，有網民話鄭嘉穎咁鍾意晒BB相，好有潛質做娛圈「炫B狂魔」。
老婆Grace陳凱琳都有回覆鄭嘉穎呢段發文，留言話Rafael大個之後一定會好似爸爸一樣咁强壯~
咁即係似爸爸定媽媽呢？唔少網民話父母都咁靚咁有型，似邊個都無所謂~
(綜合報道)
