天王嫂方媛現時粗身大勢，去邊都有廿四孝老公郭富城傍實，不過都要有私人時間嘅！
早前有傳媒指因爲現時懷第二胎嘅方媛好緊張，事關而家佗B六個月，體重只有100磅左右。(相關新聞：https://goo.gl/ioCg5E)
於是城城就喺過年間不斷讓老婆吃吃吃，希望佢健健康康，第時再生都唔係問題。
最近就有網民上載出一組方媛同網紅閨蜜聚會嘅照片，做咗人妻嘅佢向幾位姊妹派利是，四人仲Chok到盡合照！
有網友就笑話佢哋有「姊妹樣」似足四胞胎，不過就有人大讚方媛貴氣十足，一睇就認得出邊個係天王嫂啦！
不過睇方媛依然臉尖尖，至今六個月仍毫無孕味，但畢竟太瘦對孕婦同BB都唔係太好，睇嚟郭富城今次計劃失敗喇！
連表情都差多，好搞笑！果然係閨蜜呀！
(綜合報道)
