【三人行相曝光】陸浩明同女友三人行

藝人陸浩明(6號)同模特兒女友陳詩欣(Ayan)一向恩愛就係人都知,兩人仲不時去旅行增進感情,簡直羨煞旁人!

呢日,佢哋又飛去玩喇,本來熱戀中嘅佢哋預支蜜月都好正常嘅,不過勢估唔到今次原來係三人行!

究竟係邊個呢?

6號喺社交網晒出三人行嘅照片,並留言:「早晨呀☀️出發啦✈️好期待今次個Trip😆係有啲特別 估吓我同ayan仲有Fyy去邊呢?」

身邊企住一對Couple都咪話唔孤單,馮盈盈都忍唔住發文自嘲:「我是電燈膽…💡#格格不入 #人地(哋)衫都襯埋 #能迴避嗎 #我怕了當那…😂」

以為6號之後會識做啲?錯喇!到飛機起飛時,由於Ayan太驚驚,所以就捉實6號嘅手仔,護花嘅6號就Man爆表示:「同我飛咁多次,每次起飛都會捉到我隻手好實好實…傻妹😊😍」

網民話見到都話佢哋都覺得閃到眼盲,仲話呢個三人組合好奇怪,紛紛估6號同馮盈盈係咪出埠拍《#後生仔傾吓偈》特輯,所以Ayan做埋跟得女友喎!

 

 

 

 

 

 

(綜合報道 / on.cc)