佗緊BB嘅單文柔（Pheobe）現時專心養胎。
最多都係同朋友見下面聚下會咁。
時不時都會喺IG同大家分享近況。
不過並唔係齋食齋瞓，尋晚佢就做吓瑜伽加散步保持運動量。
但去到凌晨3點時，佢仲更新社交網。
原來佢瞓唔着呀！
佢喺Instagram度連打14個「瞓唔着」，又問「點解睡魔唔搵我」，最後佢仲肚餓起身食嘢餵飽個B，佢笑言：「佢應該餓！」
不過只係食啲穀物脆片，仲要係有機添，果然係「愈夜愈有機」，真係相當健康呀！
唔知係咪老公整畀比佢食架呢？
(on.cc)
【連打14個…】大肚單文柔凌晨三點都未瞓
