藝人麥美恩一向都係行傻大姐嘅路線，好多網民都Like佢㗎！
尋日（28日）係佢32歲生日，難得生日，佢都扮到靚靚同專程由加拿大溫哥華回港嘅父母一齊慶祝。
而佢爸爸媽媽為咗佢，仲陪佢過埋生日先走人，真係好冧豬呀！有父母錫，麥美恩都即刻變得乖巧，喺社交網上載多張合照，其中就唔少得同父母嘅合照。
佢又晒出唔同嘅蛋糕相，重點係佢收到一大紮玫瑰，仲即刻自拍留念。
睇番套衫就係同父母食飯嗰日影嘅，不過就唔知邊個送，有網民就講笑話唔知佢係咪偷偷帶另一半見家長，順便低調晒恩愛呢？
會唔會係緋聞男友許文軒送呢？
(on.cc)
