【仲特意為阿Sa…】鄭伊健:諗番當時同緊邊個拍拖

    鄭伊健「Along with Ekin Live Concert 2019」紅館演唱會昨晚踏入第五場,除老婆蒙嘉慧每晚支持外,蔡卓妍(阿Sa)、黃伊汶、呂慧儀、黃淑蔓、Supper Moment等都有現身睇騷。

    當年與伊健一齊做兒童節目《430穿梭機》的譚玉瑛和黎芷珊亦結伴到場,還坐正第一行,當伊健在開騷期間行到二人前面,伊健即點頭說:「譚玉瑛姐姐你好。」並上前與對方握手。

    雖然當時未有提起舊愛黎芷珊,但接住他就唱出《愛難留》,並跟觀眾說:「諗番當時同緊邊個拍拖。」此曲收錄在1994年大碟《On Stage》內,當時伊健的另一半正是黎芷珊,兩人於96年才結束三年情。

    譚玉瑛在演唱會中途離場,芷珊在下半場獨自睇騷,見她不停舉起手機為伊健影相及拍片,十分投入,之後更趁完騷到後台大方合照。

    此外,伊健的戲中情人阿Sa曾於訪問時威脅他演唱會一定要唱《內傷》,否則割爛晒紅館櫈,昨晚伊健果然兌現承諾,他在台上說:「我應承咗一個人要唱呢首歌,我唔講佢係邊個!」

    阿Sa一聽到前奏就興奮大叫:「佢唱畀我聽㗎!」然後陶醉地跟着唱。

    (apple daily)

    SHARE