內地網紅周揚青同台灣歌手羅志祥拍拖多年，感情穩定不時傳出好事近，除咗感情生活成為焦點之外，周揚青個樣都經常被網友熱議疑似整容。
尋晚周揚青喺社交網問大家星期六晚會去邊度玩，仲分享咗幾張靚相，相入面金色頭髮嘅佢，化咗個混血兒妝，直頭成個公仔咁！
有唔少網友都質疑佢整咗容，話「感覺臉上好膨」、「感覺跟以前有點不一樣」，仲有網友直頭話：「周周你是不是又動了哪裏啊……别動了呀！現在已經很美了！」
估唔到周揚青睇到留言之後大方回覆，仲直認「郁咗一樣嘢」：「沒有啦哈哈，我只是剪了劉海～」網友都讚佢EQ勁高呀！
(on.cc)
