【坦言踏入人生另一階段】黃翠如:已經報咗名上堂

黃翠如與丁子朗今天於銅鑼灣出席「好情人烹飪證書課程發佈會」,二人即場製作鮑魚雞煲及海鮮拼盤。

本月23日便是蕭正楠42歲生日,問會否親自下廚賀老公?翠如說:「佢鍾意食中餐,希望可以煮大蝦粉絲煲,煮三餸一湯,我已問過人教我一次,但材料仲未識買,可能搵阿廉幫手,但係小三唔可以成日擺喺屋企。」

最強小三曹永廉

 

之前翠如希望跟老公出埠慶祝生日,翠如表示因趕戲,所以未能成行,至於新劇《致所有愛過的人》前日剛拍完撞車戲,她說:「因為撞車有死傷,情緒好崩潰,自己都chok親頸,遲啲會再有更大嘅撞車戲。」

已為人妻的翠如自認廚藝是BB班,她直言人生踏入另一階段,覺得烹飪是很重要,更有助增進雙方關係,她現時正學習中,並聲稱會報名上堂提升廚藝。

談到自己的廚技,翠如謂:「少少西餐啦,都報咗名上堂喇。」

翠如又爆老公蕭正楠廚藝了得,最近跟曹永廉(阿廉)一同到街市買食材,煲湯給翠如帶去開工,令翠如很內疚,故希望也能學識煲湯,最想學識煮海鮮,翠如笑指廚藝方面輸給「小三」阿廉,自己煮西餐較好。

(綜合報道 / on.cc)